په نیمروز پوهنتون کې د ستراتیژیک پلان پر بنسټ د عملياتي پلان د عامه پوهاوي سیمینار ترسره شو.
د ۱۴۰۵ هـ.ش کال لپاره د نیمروز پوهنتون د کرنې پوهنځي د ستراتیژیک پلان پر بنسټ د عملياتي پلان د عامه پوهاوي سیمینار، د کرنې پوهنځي رئیس پوهنیار امیرمحمد عرفاني له لوري د یاد پوهنځي د علمي کادر غړو او اداري کارکوونکو ته وړاندې شو.
د دې سیمینار د جوړېدو موخه د کرنې پوهنځي د علمي کادر او اداري کارکوونکو لا زیاته بلدتیا د پوهنځي د عملياتي پلان له محتوا سره او د روان کال لپاره د پلان شویو فعالیتونو د اغېزمن تطبیق په موخه د لازم چمتووالي رامنځته کول و.
د پروګرام په ترڅ کې د عملياتي پلان موخې، فعالیتونه، اجرایي مسئولیتونه، د تطبیق مهالوېش او تمه کېدونکې پایلې ګډونوالو ته په تفصیلي توګه تشریح شوې. همدارنګه، د ټاکل شویو موخو د تحقق په برخه کې د ټولو څانګو پر همغږۍ او همکارۍ ټینګار وشو.
په پای کې د علمي کادر له غړو او اداري کارکوونکو څخه غوښتنه وشوه چې د خپلو اړوندو برخو فعالیتونه د ټاکل شوي مهالوېش سره سم او په غوره توګه ترسره کړي او د پوهنځي د عملياتي پلان د موخو په پوره کولو کې فعاله ونډه واخلي.
سهشنبه
۱۹ غبرګولی ۱۴۰۵ هـ.ش
۲۴ ذوالحجة ۱۴۴۷ هـ.ق
