دیدگاه، ماموریت و اهداف

لید لوری (Vision):

نیمروز پوهنتون ښوونې او روزنې پوهنځي اړوند پښتو ژبې او ادبیاتو څانګه په دې موخه هڅې کوي، چې د خپل علمي، مسلکي او ژمن کادري ټیم د ګډو فعالیتونو، نویو څېړنو او محصلینو ته د باکیفیته، متمرکزو نظري او عملي زده کړو وړاندې کولو له لارې به په نیږدې راتلونکي کې د هېواد د سوېل لودیځ زون په کچه یوه مخکښه، با اعتباره او اغېزمنه څانګه وي.

ماموریت (Mission) :

د پښتو ژبې او ادب څانګه ژمنه ده، چې ټولنې ته داسې مسلکي او متخصص کادرونه او ښوونکي وړاندې کړي ، چې له نړۍوالو نورمونو سره د پښتو ژبې او ادب د تدریس وړتیا ولري، همدارنګه دغه څانګه د ادب ېیژندنې او ژب پېژندنې په برخو کې مسلکي کسانو د روزلو، متونو د سمونې، سپړنې، څېړنې، لټونې، موندنې او ادبي اثارو د تخلیق مسؤلیت هم لري.

یادونه: د پښتو څانګې لیدلوری او ماموریت، د یادې څانګې د ۷/۴/۱۴۰۴ه ش نېټې په (۵) مه ثبت ګڼه ناسته کې تصویب او د ښوونې او روزنې پوهنځي علمي شورا د ۱۷/۰۱/۱۴۴۷ه ق نېټې په (۵) مه ثبت ګڼه ناسته کې تایید شوی دی.

ارزښتونه (Merits ):

څرنګه چې اسلام د بشري ژوند ټول اړخونه رانغاړي، نو اسلامي او ملي ارزښتونو ته ژمنتیا، د کره او معیاري زده کړې تر څنګ د اخلاقو و نظم رعایتول او د یو و بل منلو روحیه پیاوړي کول د پښتو څانګې له لومړیتوبونو څخه دي او لاندې ارزښتونو پلي کولو ته ژمنتیا لري:

دیني او مذهبي مقدساتو ته درناوی او د اسلامي اخوت(ورورولۍ) ساتنه؛
د امیرالمؤمنین حفظه الله او د هېود ټولو نافذه قوانینو ته درناوی؛
د هېواد د لوړو زده کړو وزرات ارزښتونو ته درناوئ؛
د څانګې او پوهنتون د کادري غړو د لاسته راوړنو ، تجربو، د همکارانو د علمي نوښت او خلاقیت درناوی؛
ملي او سیمه ییزو ارزښتونو ته درناوی؛
له فرصتونو او امکاناتو څخه برابره او مساوي ګټه اخیستنه؛
متقابله همکارۍ، رښتینولۍ او د حمیده اخلاقو دودولو ته درناوئ؛
د نظم رعایتول او اکاډمیکې خپلواکۍ ته درناوی؛

موخې:

د پښتو څانګې موخې پر دې پینځو (زده کړه‌ییزو، څېړنیزو، له ټولنې سره په تعامل او د انساني ځواک د مدیریت) محورونو راڅرخي او په لاندې ډول دي:

الف- زده کړه‌ییزې موخې:

د پښتو څانګې محصلینو او مینه‌والو ته په لوړه سطح د علمي او تحصیلي چوپړونو وړاندې کول؛
په څانګه کې د فردي ودې په موخه دزده کړییزو امکاناتو چمتو کول؛
د څانګې د استادانو د زده کړییزې سطحې او علمي رتبې د لوړتیا په موخه د فرصتونو او امکاناتو چمتوکول؛
په زده کړییز بهیر کې په نړۍواله کچه د کارېدونکو درسي توکو او پرمختللې تکنالوژۍ څخه د استفادې په موخه هڅه و هاند؛

ب- د څېړنیزې تګلارې اړوندې موخې

د محصلینو او استادانو تحلیلي او څېړنیزې سطحې او وړتیاوو لوړول؛
په پښتو څانګه کې د څېړنیزو او پوهنیزو کړنو(فعالیتونو) ته وده او پراختیا ورکول؛

ج- د بشري سرچینو او مدیریت د تګلارې اړوندې موخې

د څانګې د اداري او کادري غړو ترمنځ د قانونپالنې او ضوابط پالنې فرهنګ پیاوړي کول؛
د څانګې د علمي ، اداري او تدریسي چارو لپاره د ارزونې د اغېزمن سیستم د استفادې دودول؛
د بشري سرچینو د مدیریت پیاوړتیا او د اړتیا وړ متخصص کادر جذبول؛

د- په پوهنځي او ټولنه کې د څانګې د چار(نقش) اړوندې موخې

له ټولنې سره د همکارۍ د پراختیا په موخه د بالقوه وړتیا(ظرفیت) رامنځته کول؛
په هېواد کې د پرمختګ په لور د دولتي او خصوصي تحصیلي او مدیریتي بهیر ته د ځواب وینې په موخه د درسي چارو تناسب رامنخته کول؛

هـ ستراتیژیکې موخې

د نیمروز پوهنتون ستراتیژیک پلان پر بنسټ د څانکې معیاري کول؛
په کاري ساحه کې د اړینو نظري او عملي وړتیاوو او مهارتونو تر لاسه کول؛

د پښتو څانګې برنامې

پښتو څانګه د نیمروز پوهنتون په چوکاټ کې د ټولو هیوادوالو لپاره د پوهنې د پولو د پراخولو او د زده کړه ییزو شونتیاوو د برابرولو په موخه رامنځته شوه، دغه څانګه ټولنې ته د متخصص او مسلکي کادر په وړاندې کولو باندې مکلفه ده، د دې لپاره، چې کارونه مو منسجم او منظم مخې ته ولاړشي، نو د دغې څانګې برنامې او پلانونه په دوه ټولیو(لنډمهاله او اوږدمهاله) باندې ویشو.

الف- د پښتو څانګې لندمهاله برنامې:

1. 1. 1. د پښتو څانګې لپاره ځانګړی کتابتون جوړل ؛
    2. د پښتو ژبې د زده کړې کورسونه دایرول؛
    3. د نیمروز ولایت د ښوونکو لپاره د پښتو ژبې د تدریس ځانګړي سمینارونه جوړول؛
    4. د هېواد له بېلابېلو پوهنتونونو څخه د تجربو د تبادلې په موخه د باتجربه کادرونو رابلل؛
    5. پښتو څانګې ته د ځانګړې دیوالي جریدې رامنځته کول؛
    6. د محصلینو ټولنه رامنځته کول؛
    7. د ځانګړي ادبي بهیر او مشاعرو تر سره کول؛

ب- اوږد مهاله برنامې:

د پښتو څانګې د استادانو لپاره د دکتورا د پروګرامونو لپاره زمینه برابرول؛
د لوړو وړتیا لرونکو محصلینو لپاره په ملي او بین المللي کچه د ماسټرۍ د برنامو زمینه برابرول؛
د پښتو څانګې لپاره د ځانګړې علمي مجلې رامنځته کول؛
د څانګې په کچه د یوه معیاري څیړنیز مرکز رامنځته کول؛
د څانګې استادانو ته د علمي رتبو اخیستو په برخه کې د آسانتیاوو رامنځته کول؛
پورتنیو موخو ته د رسېدو لپاره د لازمو و اړینو شرایطو او زمینو برابرول؛

د پښتوڅانګې د استادانو پېژندګلوي

شماره	پېژندګلوي			د تحصیل درجه		نورې ځانګړنې
شماره	نوم	د پلار نوم	*د زده کړې کچه*	د زده کړې څانګه	علمي رتبه	د تقرر نیټه	وروستۍ ترفیع	د اړیکو شمېره
1	اسدالله حنیفي	حاجي دواجان	ماستر	پښتو ژبه او ادبیات	پوهنیار	۲۱/ ۸/۱۳۹۹	پوهنیار	۰۷۷۷۶۰۳۴۴۱
2	شفیع الله ویاړ	محمد حسن	ماستر	پښتو ژبه او ادبیات	پوهنیار	۲۱/ ۸/۱۳۹۹	پوهنیار	۰۷۸۳۴۱۲۸۸۸
3	اسدالله خوږیاڼی	محمد بشیر	ډاکتر	پښتو ژبه او ادبیات	پوهنیار	۲۱/ ۸/۱۳۹۹	پوهنیار	۰۷۷۸۹۰۹۸۹۷
4	رامین آغا امین	غلام سخي	ماستر	انجنیری نرم افزار	پوهنیار	۱۰ /۱ /۱۴۰۰	پوهنیار	۰۷۰۶۱۴۴۸۹۴
۵	صفی الله اثر	محمدګلاب	ماستر	پښتو ژبه او ادبیات	پوهنیار	۲۸/۱/۱۴۰۴	پوهنیار	۰۷۹۵۰۹۷۸۲۹۰