د نیمروز پوهنتون د ښوونې او روزنې پوهنځي د ۱۴۰۵ هـ.ش کال د ستراتیژیک پلان د پوهاوي سیمینار ترسره شو

د نیمروز پوهنتون د ښوونې او روزنې پوهنځي د ۱۴۰۵ هـ.ش کال د ستراتیژیک پلان د پوهاوي سیمینار ترسره شو

د نیمروز پوهنتون د ښوونې او روزنې پوهنځي د ۱۴۰۵ هـ.ش کال د ستراتیژیک پلان د پوهاوي سیمینار د یاد پوهنځي د مرستیال پوهنیار محمد طاهر شریفي له لوري، علمي کادر غړو او اداري کارکوونکو لپاره ترسره شو.

دغه سیمینار د ۱۴۰۵ کال د ستراتیژیک پلان لپاره د عملي پلان د فعالیتونو د تشریح او د ټولو ټاکل شویو موخو د ترلاسه کولو لپاره د ډیپارټمنټونو او کمېټو د فعالیتونو د همغږۍ په موخه جوړ شوی و.

د پروګرام په ترڅ کې د عملي پلان موخې، فعالیتونه، اجرایي مسؤلیتونه، د پلي کېدو مهالویش او تمه کېدونکې پایلې ګډونوالو ته په تفصیلي ډول تشریح شوې. همدارنګه د ټاکل شویو موخو د تحقق لپاره د ټولو برخو پر همغږۍ او ګډې همکارۍ ټینګار وشو.

په پای کې د ښوونې او روزنې پوهنځي رئیس، محترم سعیدالله سجاد، له استادانو او کارکوونکو وغوښتل چې د ستراتیژیک پلان د ټولو موخو د تحقق لپاره لا زیاتې هلې ځلې وکړي.

پنج‌شنبه
۲۱ غبرګولی ۱۴۰۵ هـ.ش